Órmekshi adamnyń hıkaıalary qazaqsha jalǵasty
ALMATY. QazAqparat - Almatyda «Órmekshi adam. Qaıta oralý» fılminiń aldyn-ala jabyq kórsetilimi ótti, dep habarlaıdy QazAqparat.
«Órmekshi adam. Úıge oralý» - qazaq tilinde dýblıaj jasalǵan 21-shi fılm bolsa, Órmekshi adam sýper qaharmannyń shytyrman oqıǵalary jaıly qazaq tilindegi 3-shi fılm.
Fılm úlken ekranǵa astananyń týǵan kúninde orys jáne qazaq tilderinde shyǵady.
"Osy ýaqytqa deıin Órmekshi adam týraly 5 kıno túsirilgen eken. Túsirilim barysynda tek qana kəsibı ərtister shaqyryldy. Eń basty keıipkerlerdiń sany 6-7. Jalpy epızodtardy qosqanda 40-45 adam dybystady. Shamamen 1 aı ýaqyt ketti. Bul úlken óndiris eń aldymen shetelden arnaıy materıal alǵyzamyz. Onyń qujattaryn retteý bar. Qazaq tili baı bolǵandyqtan aýdarmada esh qıyndyq týǵan joq", - dedi dýblıaj rejısseri Shah-Murat Ordabaev.
«Órmekshi adam. Úıge oralý» Pıter Parkerdiń Kek alýshy bolýy úshin qandaı joldy júrip ótkeni jaıly baıandaıdy. Jańa fılmde Pıter Parker MARVEL kınematografııalyq áleminiń basqa keıipkerlerimen óz terrıtorııasynda alǵash ret kezdesedi.
Qazaq dýblıajynyń rejısseri men mátin salýshysy Shah-Mýrat Ordabaev boldy. Bas keıipkerlerdiń daýystaryn Zańǵar Ábenov (Pıter Parker), Asylbek Qapaev (Edrıan Týms - Quzǵyn), Saıa Toqmanǵalıeva (Órmekshi adamnyń kostıými), Nurken Óteýlov (Tonı Stark), Shah-Murat Ordabaev (Ned), Meı (Aınur Bermuhambetova) jáne basqa da akterler dybystady.
Dýblıajǵa barlyǵy 24 akter qatysty.
2011 jyldan beri 20 kınokartına qazaq tiline aýdaryldy. Osy ýaqyt aralyǵynda 150 tehnıkalyq jáne shyǵarmashylyq maman, onyń ishinde 4 rejısser, 158 akter, 11 mýzykalyq jetekshi, aýdarmashylar Disney stýdııasynyń standartyna saı jumys istep úırendi. Eń alǵashqy bolyp Ýıl Smıttiń «Qara kıimdiler-3» fılminiń juldyzdary, Djonnı Deptiń «Jalǵyz reındjeri», A. Djolıdiń «Malefısentasy» qazaqsha sóıledi. Kóbine balalarǵa arnalǵan álemdik shedevrler «Kólikter», «Batyl júrek», «Moana», «Kúlbıke», «Monstrlar ýnıversıteti», «Alısa», «Djýnglı kitaby», «Malefısenta», «Órmekshi-adam» qazaqsha dýblıajdaldy.
Dınara Shaıjúnisovanyń aıtýynsha, jobanyń arqasynda Gollıvýd juldyzdary Djonnı Deptiń (Berik Aıtjanov), Andjelına Djolıdiń (Gúlnaz Áýesbaı), Ýıl Smıttiń (Azamat Qanapııa) daýystaryn dybystaýǵa 6 jylǵa eksklıýzıvti quqyǵy bar. Sondaı-aq, Disney kompanııasynyń daýys bazasynda qazaqstandyq 100 akterdiń daýsy saqtaýly. 2017 jyldan beri Disney stýdııasynda dybystalyp kele jatqan qazaq tildi fılmderde Apple TV Itunes Movies resmı qosymshasynyń vıdeohostınginde jazylǵan qazaq tilinde dybystyq qosymsha qoıylǵan.
«Joǵary tehnologııalyq dýblıajdyń arqasynda ortasha quny 250 mln dollar bolatyn álemdik blokbasterler ulttyq ónimimizge aınaldy», - dedi D.Shaıjúnisova.
