02:17, 14 Maýsym 2017 | GMT +5
«Órmekshi-adam» Barselonodaǵy kók tiregen úıge shyqqany túsirilgen vıdeosyn bólisti
ASTANA. QazAqparat - Frantsýzdyq jartasqa órmeleýshi Alen Rober 20 mınýttyń ishinde Meliá Barcelona Sky qonaq úıi ǵımaratynyń tóbesine shyqty. Záýlim úıdiń bıiktigi 117 metrdi quraıdy.
Ekstremal shlemine ornatylǵan kamera arqyly túsirilgen vıdeojazbany óziniń YouTube -arnasyna jarııalady.
Rolıkte kórsetilgen datadan er adamnyń kók tiregen ǵımaratqa 2016 jylǵy tamyzda shyqqany kórsetilgen. Biraq klıpti endi ǵana jarııalaǵan. Vıdeo Roberge polıtsııa qyzmetkeri kelip qujat kórsetýdi surap jatqan shaqta aıaqtalady.
La Vanguardia basylymynyń habarlaýynsha, mundaı quqyqbuzýshylyq úshin Roberge 100-den 600 eýro aralyǵynda aıyppul tóletýi múmkin. Biraq ony eshqandaı jazasyz bosatty.
Aıta ketsek, Rober 100-den asa bıik ǵımaratqa shyqqan. Olardyń ishinde Dýbaıdaǵy 828 metrlik «Býrdj-Halıfa», Parıjdegi «La Defans» turǵyn úı oramyndaǵy 187-metrlik Total munarasy bar.