Ormanshylardyń aılyǵy 25 paıyzǵa ósedi
Bul týraly OKQ-da Qazaqstannyń bıoártúrligi taqyrybynda ótken baspasóz máslıhatynda QR AShM Orman sharýashylyǵy jáne janýarlar dúnıesi komıteti tóraǵasynyń orynbasary Qaırat Ústemirov málim etti.
«Ormanshylardyń aılyǵy men turmysy biz úshin álbette eń ózekti máselelerdiń biri. Sebebi, statıstıkanyń ózi dáleldep otyrǵandaı, mólsheri eń tómengi aılyq orman jáne balyq sharýashylyǵynyń jumysshylaryna beriledi. Búgingi tańda ormanshylar aıyna 30-40 myń teńge alyp otyr. Ulttyq parktiń dırektorynyń aılyq jalaqysy bar-joǵy 80 myń teńge ǵana. Al onyń qaraýynda kerek deseńiz, myńdaǵan gektarlyq aýmaq bar», - deıdi Qaırat Ústemirova.
Komıtet tóraǵasy atalǵan máseleni sheshý jolyn atap ótti.
«Osy sebepti, biz eń birinshi kezekte bıylǵy jyldyń shilde aıynda qabyldanǵan zańnyń aıasynda 2019 jyldan bastap ulttyq park pen ormandardy qorǵaý mekemeleri qyzmetkerleriniń aılyǵyn 25 paıyzǵa ósirgeli otyrmyz. Sonymen birge, zań aıasynda aılyqqa qosymsha aqy qosý erejesin engizemiz. Jalpy, bul qosymsha aqy da aılyqty 40 paıyzǵa arttyrýǵa múmkindik beredi», - deıdi Qaırat Ústemirov.