Ormanshylarǵa kúsh kórsetkender 12 jylǵa deıin sottalýy múmkin - polıtsııa
JEZQAZǴAN. KAZINFORM – "Ohotzooprom" qyzmetkerlerine qatysty kúsh qoldanǵandarǵa 12 jylǵa deıin bas bostandyǵynan aıyrý qaýpi tónip tur.
Ulytaý oblysy Jańaarqa aýdanynyń aýmaǵynda krımınaldyq polıtsııa Qyzyljar kentiniń tórt turǵynyn ustady, olar "Ohotzooprom" RKMK qyzmetkerleriniń zańdy talaptaryna baǵynbaı, olarǵa qatysty dene kúshin qoldanyp, qashyp ketken.
— Qyzmetshilerge qatysty kúsh qoldandy degen kúdiktilerdiń tórteýi de ustalyp, ýaqytsha ustaý ızolıatoryna qamaýǵa alyndy. Janýarlar dúnıesin qorǵaý jónindegi memlekettik ınspektorǵa, janýarlar dúnıesin qorǵaý jónindegi mamandandyrylǵan uıymnyń ınspektoryna, qoryqshyǵa qatysty kúsh qoldaný qaýpi úshin 12 jylǵa deıin bas bostandyǵynan aıyrý túrindegi eń joǵary jazamen qylmystyq jaýapkershilik kózdelgen, — dep atap ótti Ulytaý oblysy PD bastyǵynyń orynbasary Safýan Jampeısov.
