Ormandy qalpyna keltirýge 300 mln teńge bólindi
ASTANA. KAZINFORM — Qazaqstanda orman alqaptaryn qalpyna keltirý jáne orman qoryn ulǵaıtý baǵytyndaǵy jumys jalǵasyp jatyr.
Osy maqsatta ashyq tamyr júıesi bar kádimgi qaraǵaıdyń 3 mıllıon kóshetin otyrǵyzý josparlanyp otyr.
Joba «Samuryq-Qazyna» AQ-men jasalǵan kelisimshart aıasynda 300 mln teńge kólemindegi qarjylyq qoldaýmen júzege asyrylyp jatyr.
Bastamanyń negizgi maqsaty – orman qoryn qalpyna keltirý, orman alqaptarynyń aýdanyn ulǵaıtý jáne tabıǵı ekojúıelerdi saqtaý.
Qaraǵaı kóshetterin otyrǵyzý – bolashaq ormandy qalyptastyrýǵa, bıoalýantúrlilikti saqtaýǵa jáne ekologııalyq turaqtylyqty nyǵaıtýǵa baǵyttalǵan mańyzdy qadam.
Aıta ketelik Amanovtar áýleti týraly jazǵan edik. Otbasy qaraǵaı ormandaryn qyzǵyshtaı qorǵap, orman qoryn kóbeıtýmen talmaı shuǵyldanyp kele jatyr. Áýlet ókilderiniń jalpy eńbek ótili búginde 235 jyldan asyp otyr.
