Ormandy qalpyna keltirý: Kishi Almaty shatqalynda shyrshylar otyrǵyzyldy
ALMATY. KAZINFORM — «Shymbulaq» taý kýrortynda «Shyrshaly» jobasy bastalyp, tıan-shıan shyrshalary otyrǵyzyldy.
Kýrort bastamasymen Kishi Almaty shatqalynda tıan-shan shyrshalarynyń orman alqabyn saqtaý men qalpyna keltirýge arnalǵan joba qolǵa alyndy. Іs-sharaǵa Іle Alataýy memlekettik ulttyq tabıǵı parki, «Medeý» tabıǵı saıabaǵy jáne ózge de erekshe qorǵalatyn tabıǵı aýmaqtardyń ókilderi, sondaı-aq ekologtar men qoǵam qaıratkerleri qatysty.
— 2011 jyly bolǵan qatty daýyl taýlarymyzdyń ekojúıesi men tabıǵı kelbetine aıtarlyqtaı zııan keltirdi. 80 myńnan astam aǵash qulap, onyń ornyn toltyrý jumystary áli kúnge deıin tolyq aıaqtalǵan joq. Biz tabıǵı tepe-teńdikti qalpyna keltirýge óz úlesimizdi qosqymyz keledi jáne búgin bul isti kýrorty aýmaǵynan bastadyq. Al aldaǵy jyldary joba Kishi Almaty shatqalynyń basqa da aımaqtaryn qamtıtyn bolady, — dedi «Shymbulaqtyń» bas dırektory Rınat Abdrahmanov.
Al Іle Alataýy ulttyq tabıǵı parkiniń bas dırektory Elnur Ahmetov bıyl ekologııalyq bastama aıasynda bir gektar aýmaqta 500 tıan-shan shyrshasynyń kósheti otyrǵyzylatynyn atap ótti.
«Shyrshaly» jobasynyń jetekshisi Mahambet Abdýllaevtyń aıtýynsha, tıan-shan shyrshasy — erekshe aǵash. Ol 40 metrden astam bıiktikke jetip, 300 jylǵa deıin ómir súre alady. Alaıda jylyna orta eseppen 10–15 santımetr ǵana ósedi.
— Biz tabıǵatty qorǵaý, ekologııalyq aǵartý jáne ǵylymı zertteý baǵyttarynda úlken jumys atqaryp júrgen Іle Alataýy ulttyq parkimen tyǵyz yntymaqtastyqta jumys isteımiz. Park mamandarymen birge otyrǵyzýǵa laıyq aımaqtardy zerttep, aldaǵy is-qımyl josparyn kelistik, — dedi ol.
Eske salaıyq, 2011 jyly qatty daýyldan Іle Alataýy memlekettik ulttyq tabıǵı parki men «Medeý» memlekettik óńirlik tabıǵı parkinde jalpy kólemi 480 gektar orman aǵashtary qulaǵan. Daýyl men jeldiń saldarynan kelgen zalal 130 mln teńgeden asty.
Іle Alataýynda daýyldan zaqymdanǵan orman ýchaskelerindegi aǵash otyrǵyzý jumystary 2012-2015 jyldary aralyǵynda júrdi.