Ormandarda órtti erte anyqtaıtyn júıe ornatylady
Erekshe aýmaqtardy órtten saqtaý, qorǵaý jumystaryna 20 mlrd teńgeden astam qarajat bólý jáne órtti baqylaıtyn 102 munara salý josparlanýda, dep habarlaıdy Kazinform.
«Halyq jıi kóteretin jáne Úkimetke tikeleı joldanǵan ótinishterdiń másele – ekologııa. Aımaqtar boıynsha ekologııalyq jaǵdaıdy jaqsartý boıynsha jol kartasy ázirlenip, júzege asyrylýda. Bul degenimiz óndiristi jańǵyrtý, eldi mekenderdi gazben qamtamasyz etý, qoǵamdyq kólikterdi gazǵa kóshirý, qalalardy kógaldandyrý, talaıdan beri lastanyp jatqan jerlerdi tazalaý sııaqty sharalardy qamtıdy», - dedi QR Premer-Mınıstriniń orynbasary Tamara Dúısenova Májilis otyrysynda.
Onyń aıtýynsha, azamattyq qorǵanys salasynda 2023-2027 jyldarǵa arnalǵan keshendi jospary bekitildi.
«Ulytaý oblysynyń ekologııalyq ahýalyn zerdeleý úshin arnaıy komıssııa quryldy. Aýadan, topyraq pen sýdan synama alynyp, tekserilýde. Oǵan qosa aımaqtyń radıatsııalyq ahýalyna baǵalaý jumystary júrgizilýde. Azamattyq qorǵanys salasyndaǵy 2023-2027 jyldarǵa arnalǵan keshendi jospar sheńberinde erekshe qorǵalatyn tabıǵı aýmaqtarda orman órtterin erte anyqtaý júıesin ornatý kózdelgen. Osy maqsatqa 2027 jylǵa deıin 20 mlrd teńgeden astam qarajat bólý jáne órtti baqylaıtyn 102 munara salý josparlanýda», -deıdi ol.
