Orman jáne ań sharýashylyǵy ınspektsııasynyń bastyǵy sybaılas jemqorlyq zańnamasyn buzǵany úshin jaýapqa tartyldy
ASTANA. 8 aqpan. QazAqparat /Qanat Mámetqazyuly/ - Jambyl oblystyq aımaqtyq orman jáne ań sharýashylyǵy ınspektsııasynyń bastyǵy sybaılas jemqorlyq zańnamasyn buzǵandyǵy úshin jaýapqa tartyldy.
Bul týraly QR Bas prokýratýrasynyń resmı saıtynda habarlanǵan.
«Jambyl oblystyq prokýratýrasynyń qaýlysyn qaraý barysynda oblystyq orman jáne ań sharýashylyǵy ınspektsııasynyń bastyǵy K.Kemelov «Sybaılas jemqorlyqpen kúres týraly» Zańda kórsetilgen quqyq buzýshylyqty jasaǵany úshin tártiptik jaýaptylyqqa tartyldy. Inspektsııanyń qyzmetin tekserý barysynda bıýdjet qarajatyn zańsyz shyǵyndaý, sondaı-aq qyzmettik ókiletti teris paıdalaný faktileri boıynsha memleketke 300 myń teńge zalal keltirilgeni anyqtaldy», - delingen habarlamada.
Sondaı-aq, oblystyq prokýratýra «Oblystyq pedagogtyq kadrlardy qaıta daıarlaý jáne biliktiligin jetildirý ınstıtýty» mekemesiniń qyzmetin tekserý barysynda mekeme dırektory M.Nurmanovtyń qyzmet babyn paıdalanyp jalǵan qujattar arqyly bıýdjetten 695 myń 130 teńge urlaǵanyn anyqtaǵan. «Tekserý nátıjesi boıynsha Jambyl oblystyq prokýratýrasy M.Nurmanovtyń ústinen QR QK 176 b. 2 b., ıaǵnı tulǵanyń qyzmet babyn paıdalanyp, ózine paıda jáne artyqshylyq keltirý maqsatynda bótenniń múlkin urlaýy boıynsha qylmystyq is qozǵady» -, delingen prokýratýra taratqan habarlamada.
