Orman sharýashylyǵyna qatysty zań jobasy Májiliste talqylanady

ASTANA. QazAqparat – Parlament Májilisi «Qazaqstan Respýblıkasynyń keıbir zańnamalyq aktilerine orman sharýashylyǵy jáne erekshe qorǵalatyn tabıǵı aýmaqtar máseleleri boıynsha ózgerister men tolyqtyrýlar engizý týraly» zań jobasyn talqylaıdy, dep habarlaıdy QazAqparat tilshisi.

«Zań jobasy orman sharýashylyǵy jáne erekshe qorǵalatyn tabıǵı aýmaqtar salasyndaǵy zańnamany odan ári jetildirý jáne quqyqtyq retteýdegi olqylyqtardy joıý maqsatynda ázirlendi. Zań jobasy sý sharýashylyǵy qurylystaryn jáne selden, kóshkinnen, qar kóshkininen qorǵaý qurylystaryn salý úshin erekshe qorǵalatyn tabıǵı aýmaqtardyń jerlerin aýystyrý máselesin reglamentteýge baǵyttalǵan», - dedi depýtat Baýyrjan Smaǵulov.

Sonymen qatar, bul qujatta Alakól memlekettik tabıǵı qoryǵynyń arnaıy bólingen ýchaskelerinde turatyn jergilikti halyqtyń muqtajy úshin shóp shabý máselelerin sheshý eskerilgen.