Chempıondar lıgasy: «Qaırat» búgin «Seltıkpen» qarymta oıyn ótkizedi

ASTANA. KAZINFORM - Búgin fýtboldan UEFA Chempıondar lıgasy pleı-off kezeńinde almatylyq «Qaırat» óz alańynda shotlandııalyq «Seltık» komandasymen qarymta oıyn ótkizedi.

Bul oıyn 26 tamyzda qazaqstandyq ýaqytpen 21:45–te bastalyp, «Qazsport» telearnasynan tikeleı efırde kórsetiledi.

Atalǵan oıynda ıtalııalyq Maýrıtsıo Marıanı bastaǵan tóreshiler brıgadasy qyzmet atqarady. Oǵan otandastary Danıele Bındonı men Alberto Tegonı kómektesedi. Tórtinshi tóreshi de sol eldiń ókili Matteo Markettı.

Alǵashqy kezdesýde komandalar 0:0 esebine qanaǵat bildirgen edi.

Almatylyq fýtbolshylar atalǵan týrnırdiń alǵashqy úsh irikteý kezeńinde Slovenııanyń «Olımpııa» (1:1, 2:0), Fınlıandııanyń KýPS klýbtaryn (0:2, 3:0), Slovakııanyń «Slovan» (1:0, 0:1, penaltıden 4:3) komandasyn qapy qaldyryp ketti.

«Seltık» eýrododadaǵy alǵashqy oıynyn pleı-off kezeńinen bastady.

Qazirge deıin «Seltık» komandasynyń eýrokýbok oıyndarynda qazaqstandyq klýbtarmen úsh márte joly túıisti.

Aldymen 2013 jyly Chempıondar lıgasy pleı-off kezeńinde qaraǵandylyq «Shahterdi» (0:2, 3:0) orta jolda qaldyryp, toptyq kezeńge joldama aldy.

Al elordalyq «Astanany»2016 jyly Chempıondar lıgasy úshinshi irikteý kezeńinde (1:1, 2:1), 2017 jyly pleı-off kezeńinde (5:0, 3:4) esebimen qapy qaldyrdy.