Orman órtinen qashqan jabaıy janýarlar adamdardy panalaýda - VIDEO
ASTANA. QazAqparat - Avstralııanyń ońtústiginde orman órti órshelene túsip, ormandar men sharýashylyqtardaǵy jabaıy janýarlarǵa qaýip tóndirýde. Qaltaly aıýlardyń meken etetin orny - evkalıpt aǵashtaryna da úlken qaýip tónip tur. Tabıǵı apattan qutylýdyń jolyn izdegen bul janýarlar ormannan shyǵyp, adamdardan pana izdeýde.
Ońtústik Avstralııa shtatynda bolyp jatqan órt baǵytyn únemi ózgertip turatyn jel ekpininiń saldarynan eki ese qaýipti bolyp tur. Órt sóndirýshiler tilsiz jaýdy áli aýyzdyqtaı almaı otyr. Osyǵan baılanysty polıtsııa jergilikti turǵyndarǵa tótenshe oqıǵa týraly eskertý jarııalap, abaı bolýlaryn suraýda.
