Orman órtine baılanysty Pavlodar oblysyndaǵy 3 aýylda tótenshe jaǵdaı jarııalanady

ASTANA. QazAqparat – «Ertis ormany» rezervatyndaǵy órtke baılanysty Pavlodar oblysyndaǵy 3 aýyldyq okrýg aýmaǵynda tótenshe jaǵdaı jarııalanady, dep habarlaıdy QazAqparat tilshisi.

«Pavlodar oblysy Sharbaqty aýdanynyń Aleksandrovka aýyldyq okrýgi, Galkıno aýyldyq okrýgi jáne Shaldaı aýyldyq okrýgi aýmaqtarynda jergilikti aýqymdaǵy tabıǵı sıpattaǵy tótenshe jaǵdaı jarııalansyn. Ony joıýǵa baǵyttalǵan is-sharalardy ótkizý úshin ózimdi basshysy etip taǵaıyndaımyn. Osy sheshim alǵashqy resmı jarııalanǵan kúninen bastap qoldanysqa engiziledi jáne 15 shildeden bastap týyndaǵan quqyqtyq qatynastarǵa qoldanylady», - delingen Ashyq NQA portalynda jarııalanǵan Sharbaqty aýdanynyń ákimi Ázilhan Ábeýovtiń sheshiminde.

Aıta keteıik, 15 shilde kúni «Ertis ormany» rezervatynda órt shyqty.

Keıin oqıǵa ornyna Tótenshe jaǵdaılar mınıstri Syrym Sháriphanov baryp, jaǵdaıdy óz baqylaýyna aldy.

Pavlodar ákimdiginiń máimetine saı, qyzyl jalyn 850 gektar orman alqabyn sharpyǵan.

Al keshe oblys ákimi Asaıyn Baıhanov «Ertis ormany» rezervatynda bolyp jatqan órttiń qashan tolyq sóndirilýi múmkin ekenin aıtty.