Orman órti: Túrkııada 50 myńnan astam adam evakýatsııalandy

ASTANA. KAZINFORM – Hataı, Bıledjık jáne Izmır provıntsııalaryndaǵy orman órtine baılanysty Túrkııanyń 50 myńnan astam turǵyny qaýipsiz aımaqtarǵa ýaqytsha kóshirildi. Bul týraly búgin Túrkııa ishki ister mınıstri Alı Erlıkaıa málimdedi, dep habarlaıdy AZƏRTAC.

Túrkııa ІІM-ne qarasty Tótenshe jaǵdaılar basqarmasy (AFAD) zardap shekken turǵyndardyń alǵashqy qajettilikterine 60 mıllıon lıra bólingenin habarlaǵan.

Órtti sóndirýge myńdaǵan adam, sondaı-aq ushaqtar men tikushaqtar jumyldyrylǵan.

Prokýratýra órttiń shyǵý sebepterin tergep jatyr. Qamaýǵa alynǵandar bar.

Buǵan deıin Túrkııanyń soltústik-batysynda birneshe kúnniń ishinde 150-den astam órt shyǵyp, júzdegen adam qaýipsiz jerge kóshirilgenin jazdyq.