Orman órti: Túrik prokýratýrasy 22 kúdiktige qatysty tergeý júrgizip jatyr

ASTANA. KAZINFORM — Túrik prokýratýrasy 7 provıntsııada (Aydın, Muğla, İzmir jáne t.b.) órtterdi zertteý qorytyndysyna saı 22 kúdiktige qatysty tergeý júrgizip jatyr. Olardyń 9-y qamaýǵa alynyp, 5 adam sot aldynda baqylaýda, 7 adam ýaqytsha qamaqta otyr, taǵy bir tulǵa jaýap alynyp bosatylǵan. Bul týraly Likha.com jazdy. 

Bianet agenttiginiń habarlaýynsha, 30 maýsymda batys jáne ońtústik respýblıkalarda 77 órt tirkelgen, onyń 9-y asa iri sanalady. Aıryqsha – Izmır men Manısadaǵy kúshti jel órtke qarsy jumysqa kedergi keltirip otyrǵany habarlandy. Izmırde shamamen 1 113 adam, 11 ushaq, 27 tikushaq, 281 órt sóndirý kóligi jumyldyrylǵan. Jel jyldamdyǵy túnde 120 km/saǵ deıin jetken, bul keıbir ushaqtardyń ushýyn shektegen.

Al fakti.bg saıtynyń dereginshe, Adnan Menderes áýejaıynda reıster ýaqytsha toqtatylǵan. Sonymen birge, Bıledjıkte 64 úı, 3 bıznes jáne 20 qoıma, al Izmırde 132 úı men 1 kásiporyn órttiń áserinen zaqymdanǵany aıtylady.

Bul aımaqtaǵy órtterdiń birinde benzın qoldaný arqyly órt qoıǵan degen kúdikpen bir adam ustalǵan.

Eske sala keteıik, buǵan deıin Izmır áýejaıy orman órtine baılanysty jumysyn ýaqytsha toqtatty.

Orman órti: Túrkııada 50 myńnan astam adam evakýatsııalandy.