Orman órti: Ispanııada XI ǵasyrdaǵy korolderdiń súıegi ǵıbadathanadan shyǵaryldy
ASTANA. KAZINFORM — Ispanııa bıligi beısenbige qaraǵan túni eldiń soltústik-shyǵysyndaǵy Aragon aımaǵynda ornalasqan, orman órti oshaǵyna jaqyn ǵıbadathanadan XI ǵasyrda ómir súrgen úsh koroldiń súıegin qaýipsiz jerge kóshirdi, dep jazady Associated Press.
Qaldyqtar X ǵasyrda salynǵan San-Hýan-de-la-Penıa monastyrynan shamamen 80 shaqyrym ońtústiktegi mýzeıge jetkizildi. Aımaq bıliginiń málimetinshe, juma kúni monastyr órtten zardap shekpegen. Monastyrdan basqa da qundy zattar, sonyń ishinde kartınalar, dinı rásimderge arnalǵan buıymdar jáne XVIII ǵasyrdaǵy belgili ıspan grafyna tıesili kıimder evakýatsııalandy.
Juma kúni túske deıin orman órtin aýyzdyqtaý múmkin bolmady. Qaýipti aımaqtan shamamen 800 turǵyn evakýatsııalandy. Senbi kúni aýa temperatýrasy sál tómendeıdi dep kútilýde.
Ispanııanyń ońtústiginde budan da aýqymdy orman órti Ýelva provıntsııasynda 300 sharshy shaqyrymnan astam aýmaqty sharpydy. Ol da bılikti turǵyndardy evakýatsııalaýǵa májbúr etti.
Aıta keteıik, Serbııa men Eýropanyń birqatar elinde orman órtteri órship tur.
Al Indonezııadaǵy Bromo ulttyq saıabaǵynda 120 gektardan astam orman órtendi.
