Orman órti: Afıny mańyndaǵy eldi mekender kóshirildi

ASTANA. KAZINFORM – Grekııada orman órtterimen kúres júrip jatyr. Órtti sóndirýge 250 órt sóndirýshi, 12 ushaq pen 7 tikushaq jumyldyrylǵan, dep jazady Euronews.

Grekııada aptap ystyqtan orman órti órship tur. Afınydan soltústik-shyǵysqa qaraı 30 shaqyrym jerde birneshe eldimekenniń turǵyndaryn evakýatsııalaýǵa týra keldi. Órtti sóndirýge 250 órt sóndirýshi jumyldyryldy. Olarǵa ondaǵan eriktiler toby qosyldy.

Keıbir jerlerde jalynnyń bıiktigi 25 metrge deıin jetkeni habarlandy. Órtti sóndirýge 12 ushaq pen 7 tikushaq jumyldyrylǵan.

Osy jazda Grekııada 2 myńnan astam orman órti boldy, onyń ishinde qasaqana órteý sebepteri de bar.

Klımattyq daǵdarysty retteý jáne azamattyq qorǵaý mınıstrligi órt qaýpiniń joǵary deńgeıi 15 tamyzǵa deıin saqtalatynyn eskertedi.