Orman alqaptaryn qalpyna keltirý qarqyny ósip, erekshe qorǵalatyn aımaqtar kólemi ulǵaıyp keledi - A.Kúrishbaev
ASTANA. Qańtardyń 18-i. QazAqparat /Aıdar Ospanalıev/ - Orman sharýashylyǵyn damytý salasynda basty kúsh «Jasyl el» baǵdarlamasyn oryndaýǵa jumyldyryldy.
Ótken jyly orman alqaptaryn qalpyna keltirý qarqyny 10 paıyzǵa ósti, al erekshe qorǵalatyn aımaqtar 300 gektarǵa ulǵaıdy. Búginde olardyń sany respýblıka aımaǵynyń 8,3 paıyzyn qurady. Bul rettegi halyqaralyq normalardyń 10-12 paıyz ekendigin eskersek, biz aqyryndap osy halyqaralyq normalarǵa jaqyndap kelemiz. Bul týraly búgin Aýyl sharýashylyǵy mınıstrliginiń alqa májilisinde mınıstr Aqylbek Kúrishbaev málim etti, dep habarlaıdy QazAqparat.
Óz sózinde mınıstr «Ertis ormany», «Semeı ormany» sııaqty rezervattardyń aýmaǵyn keńeıtý jáne osy aımaqtardaǵy aǵash kesý áreketterin joıý maqsatyndaǵy mınıstrliktiń bastamasymen uıymdastyrylǵan sharalar erekshe atap ótýge turarlyq ekendigin atap kórsetti. «Endi osy qabyldanǵan sharalarǵa sáıkes, tabıǵı rezervattar aımaǵyna aǵash kesý sharalaryn uıymdastyrýǵa múldem tyıym salynady. Bul aǵashty zańsyz kesý áreketteriniń aldyn alatyn mańyzdy shara ekendigin atap ótken jón. Osy oraıda biz Shyǵys Qazaqstan jáne Pavlodar oblysynyń ákimshilikterin mınıstrliktiń bastamasyna uıytqy bolýlaryn suraımyz», dedi A.Kúrishbaev.
