Orman aǵashtaryn zańsyz otaıtyn óńirler belgili boldy

ASTANA. QazAqparat - 2016 jyldan beri Qazaqstan aýmaǵynda orman aǵashtaryn zańsyz otaýdyń 433 oqıǵasy tirkeldi. Bul týraly Ortalyq kommýnıkatsııalar qyzmetindegi brıfıngte QR Aýyl sharýashylyǵy mınıstrliginiń Orman sharýashylyǵy jáne janýarlar álemi komıteti tóraǵasynyń orynbasary Qaırat Óstemirov málim etti, dep habarlaıdy QazAqparat.

«2016 jylydń basynan Qazaqstan aýmaǵynda 2 myń tekshe metr oraman aǵashtaryn zańsyz otaýdyń 433 oqıǵasy tirkeldi. Keltirilgen shyǵyn 26 mln. teńgeni quraıdy. Ótken jyly 19 myń tekshe metr zańsyz aǵash kesýge qatysty 669 oqıǵa tirkelgen edi», - dedi ol BAQ óklideriniń saýalyna oraı.

Onyń sózine qaraǵanda, orman aǵashtaryn zańsyz kesý derekteri Ońtústik jáne Shyǵys Qazaqstan, Almaty jáne Jambyl oblystarynda  jıi tirkelgen. Máselen, Jambyl oblysynda negizinen sekseýil aǵashtaryn kesý jıi oryn alady. Al elimizde bul aǵash túrin kesýge zańmen tyıym salynǵan.

«Quqyq qorǵaý organdary tarapynan orman aǵashtaryn zańsyz kesýge qatysty 346 is qozǵaldy. Sot tarapynan 2 ákimshilik, 197 qylmystyq is qaralyp, zań buzýshylardan 423 tekshe metr zańsyz kesilgen otyn tárkilendi. Sonymen qatar 31 kólik quraly men aǵash kesýge arnalǵan 59 qural-jabdyq alyndy», - dedi Q.Óstemirov.