Orlov shahtasynda tútin shyǵyp, jumysshylar evakýatsııalandy
ASTANA. KAZINFORM — 8 tamyzda saǵat 22:05-te Orlov shahtasynyń 10-shy kenqabatynda tútin baıqaldy. Ónerkásiptik qaýipsizdik talaptaryna sáıkes túngi aýysym qyzmetkerleri jer betine evakýatsııalandy.
Taý-ken qazbalaryn tekserý jáne tútinniń shyǵý kózin joıý jumystaryna taý-ken qutqarý qyzmeti jumyldyryldy.
Tekserý barysynda tútin Monomatic burǵylaý qondyrǵysy ornalasqan aýmaqta bolǵany anyqtaldy. Tútinniń shyǵý oshaǵy jedel joıyldy. Zardap shekkender joq.
Burǵylaý qondyrǵysyna zaqym keldi. Aldyn ala málimet boıynsha, tútinniń shyǵýyna elektr kabeliniń zaqymdanýy sebep bolýy múmkin. Oqıǵanyń naqty sebepteri men mán-jaıy anyqtalyp jatyr.
Shahta qalypty rejımde jumys istep tur.
Aıta ketelik Qaraǵandy oblysynda ekologter shahtaǵa 2 mln teńge aıyppul salǵan edi.
