«Órleý» biliktilikti arttyrý ulttyq ortalyǵynyń basqarma tóraǵasy taǵaıyndaldy
ASTANA. KAZINFORM — «Órleý» biliktilikti arttyrý ulttyq ortalyǵynyń basqarma tóraǵasy bolyp Ǵalymjan Almatov taǵaıyndaldy.
Ǵalymjan Baýyrjanuly bilim berý salasynda mol tájirıbesi bar basshy. Q. A. ıAsaýı atyndaǵy Halyqaralyq qazaq-túrik ýnıversıtetin «Matematıka» mamandyǵy boıynsha, sondaı-aq Aımaqtyq áleýmettik-ınnovatsııalyq ýnıversıtetin támamdaǵan.
Eńbek jolyn 2010 jyly Shymkent qalasynda matematıka pániniń muǵalimi bolyp bastaǵan. Ár jyldary pedagog-uıymdastyrýshy, dırektordyń oqý isi jónindegi orynbasary, mektep dırektory, sondaı-aq bilim sapasyn qamtamasyz etý júıesinde basshylyq qyzmetter atqarǵan
2021 jyldan bastap Bilim salasynda sapany qamtamasyz etý komıteti júıesinde qyzmet etti.
Osy taǵaıyndaýǵa deıin Qazaqstan Respýblıkasy Oqý-aǵartý mınıstrligi Bilim salasynda sapany qamtamasyz etý komıtetiniń Túrkistan oblysynyń bilim salasynda sapany qamtamasyz etý departamentiniń basshysy boldy.
Aıta ketelik Abaı oblysynda jańadan qurylǵan eki basqarma basshysy taǵaıyndalǵan edi.
