Órkenniń ógeı sheshesi sot aldyndaǵy sońǵy sózinde qyzyn bosatýdy surady
QASKELEŃ. QazAqparat - Búgin Qaskeleńde 11 jastaǵy Órken Azamatulyn óltirgen beseýge qatysty sot úkimi shyqty. Bas sottalýshy Shárıpa Aqberdıeva sot aldyndaǵy sońǵy sózinde qyzyn aqtaýdy surady, dep habarlaıdy QazAqparat tilshisi.
«Men qazir balalarymnyń anasy retinde emes, Órkenniń ógeı sheshesi retinde suraımyn sizden. Qyzym Aıdanany aqtap, sot zalynan bosatýyńyzdy ótinemin. Biraq Temir Aqberıdev pen Qadyrjan Gýlıamovqa taǵy 5 jyldan qosýyńyzdy suraımyn. Olar maǵan jala japty. Men ózimniń jaýyzdyǵymdy túsinemin. Enemmen jıi sózge kep qalatynmyn. Ol meni ıtten týǵansyń deıtin. Sol úshin ony óltirgim keletin. Óıtkeni, meniń áke-sheshem meni adam óltirsin dep tárbıelegen joq. Іstegenim úshin Órkenniń anasynan, Azamattan, Órkenniń ájesinen keshirim suraımyn. Órkendi men óltirdim. Ony moınyma alamyn. Biraq, qyzymdy bosatýyńyzdy suraımyn. Ol men aıtqasyn ǵana istedi», - dedi Shárıpa sońǵy sózinde.
Esterińizge sala ketsek, Órken Azamatulynyń joǵalyp ketkendigi týraly onyń ájesi polıtsııaǵa 19 qańtarda shaǵym túsirgen. Keıin balanyń denesi Naýryzbaı aýdanyndaǵy saıajaılardyń birinen tabyldy. Jedel izdestirý sharasynan keıin qylmysqa qatysy bar degen 5 adam 21 qańtarda qolǵa tústi. Resmı ókildiń málimdeýinshe, bul isti marqumnyń ógeı anasy sybaılastarymen birge josparlaǵan.
Birneshe aıǵa sozylǵan sot isi barysynda búgin sottalýshy 5 adam jalpy alǵanda 93 jylǵa kesildi.
