Órkenniń anasy balasy qaza tabatyn kúni jaısyz tús kórgenin aıtty
QASKELEŃ. QazAqparat - Ógeı sheshesi jáne onyń balalarynyń qolynan mert bolǵan 11 jastaǵy oqýshy Órken Azamatulynyń anasy Aıjan balasynyń qazasy týraly qalaı estigenin sotta aıtyp berdi. Órken joǵalyp ketken túni anasy jaısyz tús kórip shyqqan, dep habarlaıdy QazAqparat tilshisi sot zalynan.
Órkenniń anasy Aıjan Qydyrmoldanovanyń aıtýynsha, ol oqıǵaǵa deıin birneshe kún buryn Almatyǵa jumys izdep kelgen.
«Sol kúni kózim ilinip ketti. Bul kúndizgi saǵat 2-4-tiń arasy. Saǵat 6-00-de Órkenniń muǵalimi kelip, ony izdep taba almaı jatqanyn aıtty. Sosyn, bárimiz jabylyp izdeýge kiristik. Kelesi kúni mekteptiń beınebaqylaý kameralaryn tekserttik. Kadrden Órkendi bala jetektegen áıel ertip ketkenin kórdik. Áıeldi taný qıyn edi, al balanyń Shárıpa Aqberdıevanyń kishkentaı qyzy ekenin tanydym», - deıdi Órkenniń týǵan anasy Aıjan.
Óz sózinde ol Órkennen ógeı sheshesimen qarym-qatynasy qandaı ekenin surap turatynyn aıtty.
Órken: «Aıda mamam óte jaqsy», dep aıtatyn», - dedi ol.
Shárıpa Aqberdıevany otbasyndaǵylar ne úshin «Aıda» dep aıtqany ázirge anyqtalǵan joq. Sotta Shárıpa Aqberdıevanyń úlken qyzy Aıdana kisi óltirý týraly josparynyń bar ekenin bilmegenin aıtty.
Onyń aıtýynsha, sheshesi Órkendi onyń ákesimen sóıleskenshe ustaı turatynyn aıtqan.
Buǵan deıin habarlanǵandaı, balanyń ógeı sheshesi bul qylmysqa enesi men kúıeýinen ósh alý úshin istegenin aıtqan.
