«Órken» granty daryndy balalarǵa
ASTANA. 16 tamyz. QazAqparat - Búgin Bilim jáne ǵylym mınıstri Baqytjan Jumaǵulovtyń tóraǵalyǵymen Qazaqstan Respýblıkasy Prezıdentiniń «Órken» bilim berý grantyn taǵaıyndaý jónindegi respýblıkalyq komıssııa otyrysy ótti.
Bul týraly vedomstvo baspasóz qyzmeti habarlaıdy.
Respýblıkalyq komıssııa Kókshetaý, Taldyqorǵan, Semeı, Oral qalalaryndaǵy fızıka-matematıkalyq baǵyttaǵy jáne Óskemen qalasyndaǵy hımııa-bıologııalyq baǵyttaǵy Nazarbaev Zııatkerlik mektepterine 7, 8, 9 synyp oqýshylaryn irikteý konkýrsynyń qorytyndysyn shyǵardy.
Konkýrstyq irikteý 2012 jylǵy 16 shilde men 24 shilde aralyǵynda ótkizildi. Qabyldaý komıssııasynyń nátıjesi boıynsha «Órken» grantyn taǵaıyndaý konkýrsyna 827 oqýshy qujat tapsyrǵan. Konkýrs nátıjesi boıynsha 370 oqýshy shekteýli baldy jınady.
«Komıssııa músheleriniń qaraýyna shekteýli ball alǵan barlyq úmitkerlerdiń materıaldary usynyldy, sonymen qatar, Astana qalasyndaǵy fızıka-matematıkalyq baǵyttaǵy Nazarbaev Zııatkerlik mektebiniń oqý orys jáne qazaq tilinde júretin 7 synyptardyń rezervtik tizimindegi 45 úmitkerdiń jáne Semeı qalasyndaǵy fızıka-matematıkalyq baǵyttaǵy Nazarbaev Zııatkerlik mektebiniń oqý qazaq tilinde júretin 7 synyptyń rezervtik tizimindegi 43 úmitkerdiń qujattary usynyldy» - delingen habarlamada.
Mınıstrliktiń bergen málimetteri boıynsha, respýblıkalyq komıssııa sheshimimen 345 oqýshy «Órken» bilim berý grantynyń ıegeri atalyp, 114 oqýshy rezervtik tizimge endi.
