«Órken» granty boıynsha qosymsha konkýrstyq irikteý otyrysy ótti
ASTANA. 27 tamyz. QazAqparat. 2011 jylǵy 27 tamyzda mınıstr Baqytjan Jumaǵulovtyń tóraǵalyǵymen Qazaqstan Respýblıkasy Bilim jáne ǵylym mınıstrliginde Qazaqstan Respýblıkasy Tuńǵysh Prezıdentiniń «Órken» bilim berý grantyn taǵaıyndaý jónindegi respýblıkalyq komıssııa otyrysy ótkizildi. Jıynda aǵymdaǵy jylǵy tamyz aıynyń basynda ótken qosymsha konkýrstyq irikteý nátıjeleri shyǵaryldy, dep habarlaıdy mınıstrliktiń baspasóz qyzmeti.
«Órken» bilim berý grantyna Kókshetaý, Semeı jáne Óskemen qalalaryndaǵy Nazarbaev Zııatkerlik mektepteri 7-10 synyptarynyń 366 oqýshysy úmitker boldy.
Komıssııa músheleriniń qaraýyna 135 úmitkerlerdiń materıaldary usynyldy. Nátıjesinde 123 úmitkerge «Órken» granty taǵaıyndaldy. Bıylǵy jyly jańashyldyqtardyń biri - rezervtik tizimge 9 úmitker usynyldy. Vakanttyq oryn paıda bolǵan jaǵdaıda rezervti tizimdegi oqýshylar oqý jylynyń ishinde qosymsha konkýrstyq irikteýge qatyspastan Nazarbaev Zııatkerlik mektebine oqýǵa shaqyrylady.
2011 jylǵy 28 shildede bekitilgen Taldyqorǵan qalasyndaǵy fızıka-matematıkalyq baǵyttaǵy Nazarbaev Zııatkerlik mektebiniń bos oryndaryna rezervtik tizimdegi 3 úmitkerge grant taǵaıyndaldy.
Konkýrstyq irikteý eki kezeńmen ótkizildi. Konýrstyń birinshi kezeńi konkýrstyq irikteýdiń protsedýrasyn jetildirýge, obektıvtilikti jáne emtıhannyń tazalyǵyn qamtamasyz etetin kompıýterlik testileý túrinde ótkizildi. Ekinshi týrǵa ótý úshin maksımaldy baldyń 40 % alý jetkilikti.
Ekinshi týrda úmitkerler eń joǵary 30 ballmen baǵalanatyn fızıko-matematıkalyq nemese hımııa-bıologııalyq baǵyttarda baqylaý jumysyn oryndady, munda eń tómeni 9 ball, ıaǵnı ol maksımaldy balldyń 30% quraıdy.
