«Órken» bilim grantyn taǵaıyndaý jónindegi respýblıkalyq komıssııanyń otyrysy ótti

dep habarlady mınıstrliktiń baspasóz qyzmetinen.

Respýblıkalyq komıssııa aǵymdaǵy jyldyń maýsym aıynan beri ótken konkýrstyq irikteýdiń qorytyndysyn shyǵardy. Jáne 7 synypqa oqýshylar irikteýdiń qorytyndysy boıynsha úmitkerlerdiń qosymsha tizimi bekitildi jáne 8-10 synyptardaǵy bos oryndarǵa qosymsha konkýrstyq irikteý ótkizý týraly sheshim qabyldandy.

Mınıstr óz sózinde atap kórsetkendeı, Elbasy grant úmitkerlerin irikteýdiń ashyqtyǵy men sapalylyǵyna aıryqsha nazar aýdarýdy mindettep otyr. Nazarbaev Zııatkerlik mektepteri «tańdaýly ónim» daıyndaýy kerek. Nazarbaev Zııatkerlik mektepterinde synaqtan ótken jańa standarttar men oqý ádistemeleri keıin birtindep elimizdiń búkil bilim júıesine engiziletin bolady. Zııatkerlik mektepteriniń túlekteri Nazarbaev ýnıversıtetine jańa kúsh beredi, jańa formatsııadaǵy mamandar atanyp, joǵary oqý oryndaryn toltyrady, el ekonomıkasynyń barlyq salasyn nyǵaıtýǵa atsalysady degen úlken úmit bar.

Bilim granttary Astana, Kókshetaý, Semeı, Taldyqorǵan jáne Óskemen qalalaryndaǵy alty Nazarbaev Zııatkerlik mektebiniń 7-10 synyp oqýshylarynyń arasynda bólindi. Konkýrstyq irikteýge 2 583 oqýshy qatysty. Komıssııa músheleriniń qaraýyna 945 úmitker boıynsha materıaldar usynyldy jáne onyń sheshimi boıynsha 833 úmitkerge grant taǵaıyndaldy. Taǵy 112 úmitker bıyl alǵash ret jasaqtalǵan rezervtik tizimge engizildi. Mektepterde bos oryn paıda bolǵan jaǵdaıda, osy tizimdegi oqýshylar qosymsha konkýrssyz Nazarbaev Zııatkerlik mektebine oqýǵa shaqyrylatyn bolady.