Orynbordan Jaıyqqa sekýndyna 3 myń tekshe metrden astam sý kelýde – BQO

ASTANA. KAZINFORM – 17-19 sáýir kúnderi Reseıdiń Orynbor oblysynan Jaıyq ózinine iri kólemde sý keledi degen boljam bar.

«Qazirgi ýaqytta Batys Qazaqstan oblysynda sý tasqynynyń ekinshi kezeńine daıyndyq jumystary kúsheıtilgen rejımde júrip jatyr. Jaǵdaı áli de kúrdeli, sebebi kórshiles Reeıdiń Orynbor oblysynan Jaıyq ózenine sekýndyna 3 myń tekshemetrden astam kólemde sý kelýde. Mamandardyń málimentinshe, Jaıyq ózenindegi sý deńgeıi 890-930 santımetrge deıin kóteriledi. Qaýipti deńgeı - 850 sm. Búgingi tańda ıAnvartsevo gıdropostynda sý deńgeıi táýligine 18 sm-ge artyp, 795 sm-ge jetti. Oral qalasynda sý deńgeıi sońǵy táýlikte 8 sm-ge kóterilip, 736 santımetrdi qurady. Sý aǵynynyń qarqyny jyldam», - dedi BQO ákimdigi baspasóz qyzmetiniń basshysy Erhan Tatken OKQ-de ótken brıfıngige ZOOM arqyly qatysa otyryp. 

Onyń aıtýynsha, 17-19 sáýir kúnderi Orynbor qalasynan iri kólemde sý keledi degen boljam bar. 

«Osyǵan baılanysty, oblystyń Aqjaıyq, Bórli, Báıterek, Terekti aýdandarynyń 80-nen astam eldi mekeni men Jaıyq ózeniniń boıynda ornalasqan Oral qalasynyń aýmaǵyn sý basý qaýpi tur. Qazirgi ýaqytta oblys ortalyǵynyń shetindegi 800-den astam saıajaı úıleri sý astynda qaldy», - deıdi ol.