Óriktaý ken orynynan alǵash ret munaı jáne gaz alyndy
ASTANA. 19 mamyr. QazAqparat. «QazMunaıGaz» ulttyq kompanııasy Óriktaý ken orynyndaǵy Ý-1 barlaý uńǵymasynyń KT-2 karbonat qabatynan alǵash ret munaı jáne gaz alynǵandyǵy týraly habarlady.
- Mundaı jetistikke seısmıkalyq barlaý jumystarynyń ınnovatsııalyq, uńǵymalardy burǵylaý jáne sandyq basseındik úlgileý ádisterin qoldanýdyń arqasynda qol jetkizildi, dep atap kórsetti «QazMunaıGaz» UK AQ Basqarmasynyń tóraǵasy Qaıyrgeldi Qabyldın. KT-2 boıynsha biz ashqan bolashaǵy zor nysandarǵa baılanysty sheteldik kompanııalarmen kelissózder júrgizilmeıdi, barlaý jumystaryn tek «QazMunaıGaz» UK AQ atqarady, dep atap ótti Q.Qabyldın.
Óriktaý munaı-gaz ken oryny Qazaqstan Respýblıkasynyń Aqtóbe oblysynyń aýmaǵynda, Aqtóbe qalasynyń ońtústiginen 215 shaqyrym jerde ornalasqan.
2008 jylǵy 5 jeltoqsandaǵy №2882 jer qoınaýyn paıdalaný týraly kelisimsharttyń sheńberinde «QazMunaıGaz» UK AQ Óriktaý ken ornynda kómirsýtegilerin barlaý jáne óndirý, sonymen birge 3D seısmıkalyq barlaý jáne uńǵymalardy burǵylaý jumystaryn júrgizýde.
Júrgizilgen seısmıkalyq barlaý jumystarynyń jáne Ý-1 barlaý uńǵymasyn burǵylaýdyń nátıjeleri boıynsha Óriktaý qurylymy alańynyń keńeıgendigi baıqalady, sonymen qatar KT-2 karbonatty túzilimderdiń bolashaǵynyń zor ekendigi dáleldenip otyr.
«QazMunaıGaz» UK AQ mamandarynyń aldyn-ala baǵalaýyna qaraǵanda, KT-2 kómirsýtegileriniń perspektıvaly geologııalyq qorlary 200 mln. tonnadan astam bolyp otyr.
«QazMunaıGaz» UK AQ 2011 jyly taǵy da 4 000 metrlik jobalyq tereńdiktegi 2 (Ý-2 ı Ý-3) barlaý uńǵymalaryn burǵylaýdy josparlap otyr.
