«Orient» shyǵys jýrnalıstıkasy ǵylymı ortalyǵy ashyldy
QazUÝ-dyń jýrnalıstıka fakýlteti men «AFG-QAZ» Aýǵanstan-Qazaqstan seriktestik qaýymdastyǵymen eki taraptyq yntymaqtastyq aıasynda «Orient» ǵylymı ortalyǵy quryldy.
«Orient» ortalyǵynyń erejesine sáıkes, AFG-QAZ qaýymdastyǵy basty seriktes bolyp tabyldy.
«Orient» ortalyǵynyń zertteý qyzmeti Taıaý Shyǵys jáne Ortalyq Azııa, sonyń ishinde Aýǵanstan men Qazaqstandy qamtıdy. Qazirgi ýaqytta aýǵan elinen kelgen jastar Qazaqstan Respýblıkasynyń Aýǵanstan Islam Respýblıkasyna arnalǵan Memlekettik bilim baǵdarlamasy arqyly QazUÝ-da úkimetaralyq grant negizinde bakalavr, magıstrlik jáne PhD doktorlyq baǵdarlamary boıynsha bilim alýda.
«Orient» ortalyǵynyń negizgi maqsaty Taıaý Shyǵys jáne Ortalyq Azııa elderi jýrnalıstıkasy men jańa medıa salasyndaǵy bilim berý men ǵylymı-zertteý sharalaryn uıymdastyrý, ótkizý. Osy kúnge deıin halyqaralyq deńgeıde dástúrge aınalǵan Jýrnalıstıka jazǵy jáne qysqy mektepterine spıker retinde qatysyp júrgen Túrkııa, Aýǵanstan, Tájikstan, Ózbekstan, Qyrzǵystan elderinen kelgen BAQ jetekshi ókilderi men joǵary oqý oryndary ǵalymdary bastamany qoldaıdy. Ortalyq jumysynyń basty maqsaty Shyǵys elderiniń medıa naryǵy men bilim erý júıesimen birlesken mádenı-aǵartý, ǵylymı-zertteý jáne aqparattyq-ımıdjdik qyzmetti úılestirý, oryndaý sanalady.
AFG-QAZ qaýymdastyǵy tóraǵasy Ó. Bitimov: «Shyǵys jýrnalıstıkasy ortalyǵynyń uıymdastyrýymen ótkiziletin is-sharalarǵa Shyǵys elderiniń dıplomatııalyq qyzmetteri qatysýy men qoldaýy bizdiń birlesken jumysyzdyń basym baǵyty bolmaq», - deıdi.
«Orient» ortalyǵy Shyǵys elderiniń jýrnalıstıkasy men medıasektoryn zertteýmen qatar, elder arasynda kommýnıkatsııaaralyq baılanysty damytady.
