Organıkalyq aýyl sharýashylyǵyn damytýdyń jol kartasy qaıta kelisýden ótti
«Asyl tuqymdy mal basyn ákelýdi sýbsıdııalaý tetigin engizý esebinen analyq tabyndy jańartý júzege asyrylady. Óz óndirisimizdiń kólemin arttyrýdy yntalandyrý úshin ótkizý naryqtaryn keńeıtý jáne eksportty ulǵaıtýdy yntalandyrý qajet. Mınıstrlik aýyl sharýashylyǵy shıkizatynyń eksporty boıynsha Qazaqstan úshin negizgi elderge ónimge veterınarlyq-sanıtarlyq talaptardy sheshý jóninde kelisý turǵysynda belsendi jumys júrgizýde. Qabyldanǵan sharalar nátıjesinde iri qara mal eti eksportynyń kólemin 37 paıyzǵa deıin, qoı etin 32 paıyzǵa deıin arttyrýdy josparlap otyrmyz», - dedi mınıstr.
Onyń sózine qaraǵanda, agroónerkásip keshen ónimderi eksportynyń ósýin qazaqstandyq ónimniń básekelestik artyqshylyqtaryn paıdalaný arqyly arttyrýǵa bolady. Al bul onyń ekologııalyq, sondaı-aq organıkalyq jáne halal ónimderin óndirý, óńdeý men sertıfıkattaý júıesin jolǵa qoıý qajet.
«Organıkalyq ónim óndirý týraly zań 2015 jyldyń qarasha aıynda qabyldandy, biraq áli kúnge deıin osy zańdy iske asyrý jónindegi is-sharalar jospary joq. Mınıstrlik memlekettik organdarmen organıkalyq aýyl sharýashylyǵyn damytýdyń jol kartasyn qaıta kelisý rásimin aıaqtady», - dedi S. Omarov.
Sonymen qatar ol elimizde halal ónimderin óndirý salasynda zańnama joq ekenin atap ótti.
«Qazirgi ýaqytta halal ónimderin óndirýdi damytýdyń jol kartasyn kelisý aıaqtalýda. Kelesi aptada osy boıynsha Aqparat jáne qoǵamdyq damý mınıstrliginde keńes ótedi», - dedi vedomstvo basshysy.