Óreskel qateliktermen shyǵarylǵan 5 synyptyń «Qazaqstan tarıhy» oqýlyǵy keler jyly jańartylady
ASTANA. QazAqparat - Óreskel qateliktermen shyǵarylǵan 5 synyptyń «Qazaqstan tarıhy» oqýlyǵy keler jyly jańartylady. Bul týraly búgin elordada ótken brıfıngte QR Bilim jáne ǵylym mınıstrligi Mektepke deıingi, orta bilim jáne aqparattyq tehnologııalar departamentiniń dırektory Jańyl Jontaeva málim etti.
«Oqýlyq sapasy únemi bizdiń nazarymyzda turatyn másele. 3 synyptyń oqýlyqtarymen qatar 2 synyptyń aǵylshyn tili, 6 synyptyń ınformatıka oqýlyqtary jańartyldy. Al 5 synyptyń jalpy tarıh oqýlyqtaryna baılanysty búkil aqparat quraldaryndaǵy syn-eskertpeler jınaqtalyp, arnaıy jumys toby quryldy. Ótken jyly osy jumys toby sáýir-mamyr aılarynda jumys júrgizdi. Osydan keıin Tarıh ınstıtýtyna tapsyrma berildi. Bul ınstıtýt qazirgi tańda Qazaqstan tarıhynan oqýlyq jasady. Ol qazir saraptamadan ótti», - dedi brıfıng barysynda QR BǴM «Oqýlyq» respýblıkalyq ǵylymı-praktıkalyq ortalyǵynyń dırektory Beıbitgúl Kárimova.
Óz kezeginde QR Bilim jáne ǵylym mınıstrligi Mektepke deıingi, orta bilim jáne aqparattyq tehnologııalar departamentiniń dırektory Jańyl Jontaeva atalǵan oqýlyqtyń kelesi jyldan bastap 5 synyp baǵdarlamasyna engiziletindigin atap ótti.
Aıta keteıik, 2010 jyly jaryq kórgen 5 synypqa arnalǵan Qazaqstan tarıhy oqýlyǵynda birqatar óreskel qatelikter jiberilgen edi. Bul másele BAQ-tarda keńinen talqyǵa túsken bolatyn.
