OrdaMed kompanııasynyń basshysyna izdeý jarııalandy

ASTANA. KAZINFORM — QR UQK «Ordamed» AQ basqarma tóraǵasy Erkin Dlimbetovke izdeý jarııalady. Bul týraly quqyqtyq statıstıka jáne arnaıy esepke alý organdarynyń portalynda jarııalandy. 

Portaldaǵy málimetke sáıkes, Erkin Dlimbetov 2026 jylǵy 28 qańtardan bastap resmı túrde izdestirilip jatyr. Al izdestirý isi Astana qalasynda tirkelgen.
Іzdestirýdi QR UQK-niń Sybaılas jemqorlyqqa qarsy qyzmeti júrgizedi.

Buǵan deıin UQK «Ordamed» kompanııasynyń birqatar basshylyq ókilderin, atap aıtqanda tehnıkalyq dırektoryn, burynǵy basqarma tóraǵasyn jáne óndiristik basqarma basshysyn qamaýǵa alǵan edi.

Tergeý derekterine sáıkes, «Ordamed» AQ basshylyǵy zań talaptaryn belden basyp, memleketke 4,5 mlrd teńge kóleminde zalal keltirgen.

Atap aıtqanda, kompanııa 28 túrli medıtsınalyq jabdyqty óz óndirisimiz bar degen jalǵan derekpen jetkizgen.

Aıta keteıik, UQK Qýat Aqshabaevqa qatysty tergeý júrgizilip jatqanyn rastady.