Ordabasynyń urylary maldy myltyqpen atyp alyp júrgen
ShYMKENT. QazAqparat - Polıtseıler Ordabasy aýdanynda mal urlady degen kúdikpen úsh azamatty qolǵa túsirdi. Jyl basynan beri kezekshi bólimge mal urlyǵy boıynsha jergilikti turǵyndardan 10-ǵa jýyq aryz túsken.
Úı janýarlarynyń basym bóligi jaıylymda júrgen jerinen joǵalǵan.
Aýdandyq tártip saqshylary jedel izdestirý is-sharasy barysynda úsh jergilikti turǵyndy ustady. Úsheýi de 39 jasta. Bireýi buǵan deıin de mal urlyǵymen sotty bolǵan.
Tergeý barysynda polıtseıler kúdiktilerdiń 15-ten astam mal urlyǵyna qatysy baryn anyqtady. Olar tún ishinde «VAZ» avtokóligimen jaıylymǵa kelip, qaraýsyz qalǵan maldy sol jerde myltyqpen atyp, óltirip otyrǵan eken. Sodan keıin etin bólshektep, ózderiniń tanystaryna arzan baǵamen satyp otyrǵan, dep habarlaıdy otyrar. kz.
