«Ordabasynyń» eýrokýbok oıyndarynan shettetilýi: Klýb túsinik berdi
NUR-SULTAN. QazAqparat - Shymkenttiń «Ordabasy» klýbynyń basshylyǵy komandanyń eýrokýbok oıyndarynan shettetilýine baılanysty aqparatqa resmı jaýap berdi, dep habarlaıdy QazAqparat.
«Ordabasy» fýtbol klýby 2019 jyldyń 30 qyrkúıegine deıingi barlyq kredıtorlyq qaryzdarymen eseptesti. Endi ÝEFA talaptaryna sáıkes sertıfıkatqa úmitker retinde lıtsenzııa protsesin ótýde. Osyǵan baılanysty «Ordabasy» fýtbol klýbynyń kýrokýboktaan shyǵarylý qaýpi joq», - delingen taratylǵan aqparatta .
Esterińizge sala ketelik, búgin qarjylyq sebepterge baılanysty «Ordabasy» komandasynyń aldaǵy eki jylda eýrokýbok oıyndarynan shettetilgeni habarlanǵan edi.
«Ordabasy» klýby eýrokýbok oıyndaryna 2012 jyldan beri bes márte qatysqan. 2018 jyly qarjylyq sebepterge baılanysty komanda eýrokýbok oıyndarynan shet qalyp qoıdy. Olardyń ornyna eýrokýbokta Qostanaıdyń «Tobyly» el namysyn qorǵady.
Esterińizge sala ketelik, aldaǵy jyly Qazaqstan atynan eýrokýbokta tórt komanda baq synaıdy. Elordalyq «Astana» Chempıondar lıgasynda synǵa tússe, Almatynyń «Qaırat», Qyzylordanyń «Qaısar», Shymkenttiń «Ordabasy» klýbtary Eýropa lıgasyna qatysýy tıis.
