Ordabasylyq dárigerler durys tamaqtaný tártibi týraly aıtty
ORDABASY. QazAqparat - Túrkistan oblysy, Ordabasy aýdandyq ortalyq aýrýhanasynda Ashyq esik kúni ótti. Sharaǵa arterııalyq gıpertonııa dertine shaldyqqandar naýqastar shaqyryldy, dep habarlaıdy QazAqparat tilshisi.
Bul kúni naýqastardyń qandary tekserilip, ondaǵy qant pen holesterın deńgeıin anyqtaý júrgizildi. Dárigerge deıingi kabınetterdiń jumysy uıymdastyryldy. Sondaı-aq, patsıentterde qaterli isikterdiń bar-joǵy anyqtalyp, áleýmettik qyzmetkerler men psıhologtar óz keńesterin berdi. Emdelýshilermen durys tamaqtaný taqyrybynda áńgimeler júrgizilip, slaıdtar kórsetildi.
Tanymdyq kitapshalar taratyldy. Budan bólek, naýqastar kardıolog, otorınolarıngolog, oftalmolog, hırýrg, onkolog, endokrınolog, akýsher - gınekolog sııaqty dárigerlerge qaralyp, túrli keńesterin aldy.
