Ordabasydaǵy tóbeles - bir oqýshy jansaqtaý bóliminde jatyr - OQO (FOTO)
ShYMKENT. QazAqparat - Ordabasy aýdanynyń ortalyǵyndaǵy oqýshylar tóbelesi mektepte bolǵan. Tapa-tal túste synypta eregisip qalǵan jasóspirimderdiń biri jansaqtaý bóliminen bir-aq shyqty.
Dárigerler oǵan birden ota jasady, dep habarlaıdy otyrar.kz.
Joǵarǵy synyp oqýshylarynyń arasyndaǵy kıkiljiń mekteptiń ekinshi qabatyndaǵy sabaq ótetin bólmede bolǵan. 11-shi synyp shákirti 10-shy synyp oqıtyn balaǵa judyryq jumsap, aýrýhananyń jansaqtaý bóliminen bir-aq shyǵarǵan. Biraq teketires barysy bilim uıasyndaǵy beınekameralardyń birde-birine jazylmapty. Al dırektor bolsa, aty dardaı gımnazııada tosyn oqıǵa bolǵanyna áli de ań-tań.
«Endi ony ózimizde bilmeı otyrmyz. Osy ýaqytqa deıin bizdiń gımnazııadan mundaı oqıǵa tirkelmegen. Bala qazir aýrýhanada. Al jalpy munymen ishki ister bólimi aınalysyp jatyr»,-deıdi «Káýsar» gımnazııasynyń dırektory Sholpan Shádiqoja.
Mektep basshysynyń aıtýynsha, 11-shi «b» synyp oqýshysynyń buryn bundaı buzyqtyǵy bolmaǵan. Al jábirlenýshi shákirttiń úlgerimi tipti jaqsy eken. Muny synyptaǵy top basshylary da rastap otyr.
Tóbelesten keıin ózin aýyr sezingen shákirt aqyry túnge taıaý aýrahanadan bir-aq shyqqan. Qazir jábirlenýshi oqýshynyń jansaqtaý bóliminde jatqanyna búgin osymen ekinshi táýlik. Jasóspirimge dárigerler birden ota jasapty.
«Operatsııa jasaǵan kezde ishinen jarylǵan ekınokokty kórdik. Ony ota jasap, alyp tastadyq»,-deıdi Ordabasy aýdandyq aýrýhanasynyń dáriger hırýrgi Ibragım Sanııazov.
Qazir osy oqys oqıǵa boıynsha tergeý júrip jatyr. Biraq ázirge teketirestiń neden shyqqany belgisiz.
