Ordabasydaǵy kólik apatynan 3 adam qaza taýyp, 5 adam jaraqat aldy
ORDABASY. QazAqparat - Túrkistan oblysy, Ordabasy aýdanynda jol apaty saldarynan 3 adam qaza tapty. Taǵy bes adam túrli dene jaraqattarymen aýrýhanaǵa jetkizilgen, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, jol kólik oqıǵasy búgin saǵat 16:38 shamasynda Badam aýylynyń janyndaǵy Arys-Shymkent avtojolynda oryn alǵan. «VAZ» jáne «Mazda» avtokólikteriniń soqtyǵysyp, saldarynan «VAZ» jolaýshysy men «Mazda» kóliginde bolǵan eki áıel qaıtys bolǵan. Jedel-járdem qyzmetimen taǵy 5 adam aýrýhanaǵa jetkizildi.
«Qazirgi tańda jol-kólik oqıǵasy boıynsha sotqa deıingi tergeý amaldary júrgizilýde. Jol apatynyń tolyq mán-jaıy anyqtalýda. Atalǵan jaıt SDTBT-de QR QK 345-baby «Kólik quraldaryn basqaratyn adamdardyń jol qozǵalysy nemese kólik quraldaryn paıdalaný qaǵıdalaryn buzýy» boıynsha tirkeldi. «VAZ» avtokóligi Reseı Federatsııasynda tirkelgeni anyqtaldy. Oqıǵa ornynda Ordabasy APB jáne Túrkistan oblysynyń PD anyqtaýshylary jumys isteýde» delingen habarlamada.
