Ordabasyda joldardy jóndeý qarqyndy júrgizilýde

Búginde aýdanynyń ortalyǵy Temirlan eldimekenindegi ortalyq Appazov kóshesinde jóndeý jumystary bastalǵan. Uzyndyǵy 4 shaqyrym jol jıegi retke keltirilip, sýaǵarlar men jaryqshamdar ornatylmaq. Bıýdjetten bólingen 550 mln teńgege ortalyq kóshe jóndelip, aýdandyq aýrýhana aldyna alleıa salynbaq. Ol oryn jastar men naýqastardyń birden-bir demalý ornyna aınalady dep josparlanǵan. Qazir qurylystyń 50 paıyzy bitken. Jol salyp jatqan 70-ke tarta jumysshy sapaǵa mán berip otyrǵanyn aıtady. Temirlanǵa Shymkentten kire beris qaqpadan bastaý alǵan qurylys alaǵy Túrkistanǵa shyǵar jolǵa deıin jalǵasyp jatyr.

«Biz budan bólek, basqa da jumystardy qolǵa aldyq. Bul jerden ırrıgatsııalyq júıesi enedi. Soǵan qosymsha aryq-atyzdary tazarady dep otyrmyz. Temirlandaǵy qarqyndy jumystar munymen shektelmek emes. Abbazov kóshesimen qatar Áýábákirov kóshesinde jumys qyzǵan. Sondaı-aq, kópqabatty turǵyn úılerdiń qasbetteri árlenýde»,- aýdandyq turǵyn-úı kommýnaldyq sharýashylyq, jolaýshylar kóligi jáne avtomobıl joldary bóliminiń basshysy Arman Ysqaqov.