Ordabasyda «Táýelsiz elim -tiregim meniń» atty saltanatty jıyn ótti

ShYMKENT. QazAqparat - Qazaqstan Respýblıkasy Táýelsizdiginiń 25 jyldyǵyna oraı búgin Ońtústik Qazaqzstan oblysynyń Ordabasy aýdanynda "Táýelsiz elim -tiregim meniń" saltanatty jıyny ótti, dep habarlaıdy aýdan ákimdiginiń baspasóz qyzmeti.

Mereke qonaqtary aldymen Ordabasy óńiriniń 25 jyldaǵy jetistikterine arnalǵan kórmeni tamashalady. Aýdan ortalyǵynyń bas josparymen tanysty. Saltanatty jınalystyń shymyldyǵy túrilip, aýdannyń áleýmettik-ekonomıkalyq damý úderisi baıandalǵan derekti fılm kórsetildi. Alǵashqy quttyqtaý sózi Ordabasy aýdanynyń ákimi Almasbek Mamytbekovke berildi.

«Ordabasy - qut daryǵan ólke! Táýelsizdik alǵan jyly 77 myńnan astam turǵyny bar aýdan búginde 118 myńnan astam halqy bar ólkege aınaldy. 25 jylda Ordabasyda 21 mektep, 22 medıtsınalyq nysan salyndy. 1995 jyly Ońtústik Qazaqstan oblysy boıynsha barlyq aýylsharýashylyq qurylymy - 8 myńnan áreń assa, onyń 158-i ıaǵnı 2 paıyzy ǵana osy aýmaqtan edi. 21 jylda bul kórsetkish oblysta 72 myńnan asyp, búginde ordabasylyqtardyń úlesi 6 myńǵa jýyqtady. Bul jalpy oblystaǵy aýylsharýashylyq qurylymnyń 7,5 paıyzyn qurady», - dedi aýdan basshysy óz quttyqtaýynda. Sondaı-aq, qurmetti qonaqtar E.Satqanbaev, J.Endibaıuly, O.Omarov, D.Sherimqulov ordabasylyqtardy aıtýly merekemen quttyqtap, aq tilegin aqtardy. Aýdandyq máslıhattyń hatshysy B.Sádýahasov óz kezeginde izgi nıetin bildirip, túrli sala úzdikterin Alǵys hatpen marapattady.

Shara aıasynda "Ǵasyrǵa teń jyldar" aýdandyq festıvaliniń qorytyndysy jarııalanyp, jeńimpazdar júldeler ıelendi. Bas júlde - Shubarsý, І oryn - Qaraqum, ІІ oryn - Badam, ІІІ oryn Shubar aýyl okrýgterine tabystaldy.

Memleketimizdiń bereke-birligi, týǵan jerdiń maqtanyshy - Táýelsizdik merekesi Ordabasyda osylaı atalyp ótti.