Ordabasyda plastıkalyq qaldyqtardy qaıta óńdeıtin zaýyt ashyldy
TÚRKІSTAN. QazAqparat- Túrkistan oblysynda plastıkalyq qaldyqtardy qaıta óńdeıtin zaýyt ashyldy, dep habarlaıdy QazAqparat tilshisi.
«Shymkent» ƏKK» AQ fılıalynyń málimetinshe, atalǵan ınvestıtsııalyq joba «TURKISTAN INVEST» kompanııasynyń «Green technology industries» JShS arqyly júzege asyrylyp otyr.
Ordabasy aýdanynyń «Badam» ındýstrııaldyq aımaǵynda 4 gektar jerde ornalasqan zaýytqa 5 mlrd 985 mln teńge jumsalǵan. Munda endi 250 turaqty jumys orny ashylǵan. Qazirgi tańda óndiris oshaǵynda PET túıirshikterin óndirý bastaldy. Al, talshyq óndirý keler jyldyń naýryzynda qolǵa alynbaq.
Mamandardyń aıtýynsha, qaıta óńdeý kezinde shıkizat retinde plastıkalyq qaldyqtar paıdalanylady. Bul ınvestıtsııalaýdyń perspektıvaly baǵyty bolyp tabylady. Eger biraz ýaqyt buryn bul bolashaqtyń «bıznesi» dep sanalǵan bolsa, búgingi kúni tek Qazaqstanda nemese Ortalyq Azııada ǵana emes, sondaı-aq, búkil álem boıynsha mańyzdy óndiris bolyp eseptelip otyr. Daıyn ónimdi kásipkerler TMD elderine eksporttamaq.
