Ordabasyda kitapty kóp oqıtyn oqýshylarǵa qozy berilip jatyr
Ordabasy aýdanyndaǵy Bórjar aýyldyq okrýginiń ákimi Serǵalı Qurymbekov tyń bastamany qolǵa aldy.
Jazǵy demalys kezinde oqýshylardyń kitap oqýǵa qushtarlyǵyn arttyrǵan ol eń úzdikterine qozy úlestirip berip jatyr.
Ótken aıda 3 bala úıine qozy jetektep barsa, bul aıda júlde qory 5-ke kóbeıgen.
Demeýshiler de - aýyl azamattary.
«Ordabasy aýdanynyń ákimi Baǵlan Batyrshaev ár jınalysta jumysty jańa baǵytta júrgizý kerektigin aıtyp otyrady. Sodan osy ıdeıany usyndym. Mundaǵy maqsat - «Balalar jylyna» oraı balalardy yntalandyrý. Sondaı-aq, sońǵy kezde balalar uıaly telefonnan bas almaı qaldy. Shomylýǵa ózen jaǵalap ketip qalatyndary da bar. Osy jaıttardy oılastyra kele jasóspirimderdiń kitap oqýǵa qushtarlyǵyn arttyrmaq boldyq. Aýyl azamattary Nursultan Eltaev, Nurjan Bazarbaev, Qaırat Bınazarov qoldaý bildirip, demeýshilik jasady», - deıdi aýyl ákimi Serǵalı Qurymbekov.
Ótken aıda júldege tigilgen úsh qozy 6 synyp oqýshylaryna buıyrypty. Al, bul jolǵy bes qozyny berýde, erejege birshama ózgerister engen.
ıAǵnı, oqýshylar kitaptyń mazmuny boıynsha túsinik aıtyp beredi. Bul shara tamyz aıynda da jalǵasyn tappaq.
