«Ordabasy» tarazdyq komandany aıqyn basymdyqpen jeńdi
ShYMKENT. QazAqparat - Búgin Shymkentte «Ordabasy» fýtbol komandasy óz alańynda tarazdyqtardy qabyldady. Oıyn alań ıeleriniń joıqyn shabýylymen bastaldy, dep habarlaıdy QazAqparat HAA tilshisi.
Jankúıerler keremet goldy kóp kútken joq. Alǵashqy goldy Erkebulan Tuńǵyshbaev baspen kirgizdi. Arada az ýaqyt ótkende Samat Symaqovtyń oń qanattan shyǵarǵan pasyn Azat Nurǵalıev baspen baǵyttap esepti 2-0-ge jetkizdi. Qonaqtar sapynda oıynǵa qosylǵan 17 jasar jas talant Erkebulan Seıdaxmet alań ıeleri qorǵanysyn buzyp óte almady. Oıynnyń aıaqtalýyna bes mınýttaı ýaqytta oıynǵa almasyp shyqqan Gogýa Gogıta kezdesýdiń núktesin qoıdy. Ol aıyp alańynda birneshe oıynshyny, tipti qaqpashyny aldap baryp gol saldy. Esep 3-0.
