«Ordabasy» segizinshi oıyn qatarynan jeńiske jetti

ASTANA. QazAqparat – 10 shilde kúni fýtboldan Premer-lıga komandalary arasyndaǵy el birinshiliginde shymkenttik «Ordabasy» segizinshi oıyn qatarynan jeńiske jetti, dep habarlaıdy QazAqparat tilshisi.

Shymkent klýby 17-týrdyń aldyn ala ótkizilgen oıynynda kókshetaýlyq «Oqjetpespen» kezdesti.

Týrnır kestesinde ekinshi orynda kele jatqan «Ordabasy» bul kezdesýde de jınaqy qımyl kórsetti. Nátıjesinde qarsylastar qaqpasyna jaýapsyz tórt gol soqty.

Oıyn barysynda Bobyr Abdýholıkov –14, Vsevolod Sadovskıı 36-mınýtta kózdegen nysanadan múlt ketken joq.

Al Ashat Taǵybergen – 64, Baýyrjan Islamhan 86-mınýtta penaltıdi múltiksiz oryndady.

Osylaısha shymkenttik klýb qarsylasyn 4:0 esebimen tize búktirdi.

Atalǵan jeńisinen keıin «Ordabasy» týrnır kestesinde 38 upaımen birinshi orynǵa kóterildi. Dál sondaı upaı jınaǵan «Astana» ekinshi orynǵa yǵysty.

Endi 15 jáne 16 shilde kúnderi 15-týr oıyndary ótkiziledi.

Eske salsaq, fýtboldan Qazaqstan kýbogynda «Ordabasy» men «Tobyl» kezdesedi.