«Ordabasy» Latvııanyń «Spartak» komandasymen teń tústi
ShYMKENT. QazAqparat - Shymkenttiń «Ordabasy» komandasy Túrkııadaǵy oqý jattyǵý jıyndaryn aıaqtaýǵa jaqyn. Buǵan deıin eki kezdesýde jeńilis tapqan komanda Latvııanyń «Spartak» komandasymen kezdesti, dep habarlaıdy QazAqparat tilshisi.
Oıyn barysynda shymkenttik komandanyń bas bapkeri Georgı Dermenjıev alańǵa Bocharov, Sımchevıch, Kovalchýk (Bertólo, 46), Fontanello, Dıakate (Shámshi, 46), Erlanov (Spahııa, 46), Tuńǵyshbaev, Tólebek, Dosmaǵambetov (Daýtov, 46) Hıjnıchenko (Lı, 46) syndy oıynshylardy shyǵardy. Al, qaqpany Narzıkýlov qorǵady. Tartysty ótken oıynda ońtústiktiń fýtbolshylary ıÝrmala qalasynyń komandasymen teń tústi. Esep 1:1 boldy.
Aıta keteıik, jýyrda ǵana jańa oıynshylarmen tolyqqan komandanyń jańa quramyn jankúıerlerge tanystyrý rásimi 7 naýryz kúni Shymkentte ótedi dep josparlanyp otyr. Al chempıonattyń tusaý keser oıyny 11 naýryz kúni Qajymuqan atyndaǵy ortalyq stadıonda bastalmaq. 
