«Ordabasy» komandasynyń fýtbolshylary óz tańdaýyn jasady

ShYMKENT. QazAqparat - Shymkentte Samat Shámshi bastaǵan «Ordabasy» fýtbol klýbynyń oıynshylary Qajymuqan atyndaǵy stadıonda daýys berdi. Sondaı-aq, sportshylar sheberlik saǵatyn ótkizip, sońynan jankúıerlerge ózderiniń qoltańbasy qoıylǵan dopty syıǵa tartty, dep habarlaıdy QazAqparat tilshisi.

Fýtbolshylar Samat Shámshi, Tımýrbek Zakırov, Qajymuqan Tólepbergen, Saǵadat Tursynbaı jáne Bekhan Shaızada №90 saılaý ýchaskesinde óz tańdaýyn jasady.

«Ordabasy» fýtbolshylarynyń sońǵy oıynynda shymkenttik jankúıerlerimizdiń qoldaýy men yqylasy bizge rýh berdi. Klýbymyz 70 jyldan astam ýaqyttan beri Shymkent qalasynyń namysyn qorǵap, jankúıerlermen birge kele jatyr. Jankúıerlerimiz óte kóp. Barlyǵyn saılaýǵa qatysýǵa shaqyramyz. Jalpy, fýtbol – buqaralyq sport. Saılaý da - buqara bolyp sheshim shyǵaratyn asa mańyzdy saıası mereke», – dedi komanda kapıtany Samat Shámshi.

Atap ótsek, «Ordabasy» komandasy Qazaqstan kýbogynyń 2022 jylǵy jeńimpazy atandy.

Aıaqdopshylardy shymkenttikter erekshe yqylas tanytyp, qarsy alǵan bolatyn.