«Ordabasy» komandasy jańa oıynshylarmen tolyqty
ShYMKENT. QazAqparat - Shymkenttiń «Ordabasy» komandasy jańa oıynshylarmen tolyqty. Bul týraly komandanyń resmı saıtynda jarııalandy, dep habarlaıdy QazAqparat tilshisi.
«Jańa maýsymǵa daıyndyǵyn kúsheıtken komanda sapyna birqatar fýtbolshylar qosyldy. Atap aıtqanda, ortalyq qorǵanysty shabýylǵa baılanystyratyn Hrvoe Spahııa qurama sapyna alyndy. Boıy 190 sm tartatyn boıshań jigit buǵan deıin Rýmynııa chempıonatyna qatysyp osy eldiń kýbogyn jeńip alǵan. «Ordabasy» komandasyna qabyldanǵan taǵy bir fýtbolshyny jergilikti jankúıer jaqsy biledi. «Astana» sapynda oınaǵan Dıdar Jalmuhan endi «Ordabasynyń» namysyn qorǵaıdy. Komandaǵa aldaǵy ýaqytta tek bir ǵana shabýylshy alýy kerek. Ol úshin jumystar jalǵasýda», delingen resmı saıtta.
Aıta keteıik, ótken jyly óz jankúıerlerine qola medal syılaǵan «Ordabasy» komandasynyń oıynshylary aılap eńbekaqylaryn ala almaı, basqa klýbtarǵa ketip qalǵan bolatyn. Buǵan deıin komandanyń fýtbolshylaryn baptaǵan Alekseı Petrýshın qyzmetinen ketip, onyń ornyna Bolgarııa azamaty Georgı Dermendjıev kelgen edi.
Foto: fcordabasy.kz
