«Ordabasy» komandasy fýtboldan Qazaqstan kýbogy fınalyna shyqty
ASTANA. QazAqparat - Shymkenttiń «Ordabasy» komandasy fýtboldan Qazaqstan kýbogy fınalyna berilgen ekinshi joldamaǵa qol jetkizdi, dep habarlaıdy QazAqparat tilshisi.
Shymkenttik klýb búgin, 19 qazanda jartylaı fınalda elordada jergilikti «Astana» klýbymen sheberlik baıqasty.
Oıyn barysynda «Astana» sapynan Dıas Qanatqalı 22-mınýtta óziniń qaqpasyna gol soǵyp aldy. Al Vladıslav Prokopenko 32-mınýtta tarazy basyn teńestirse, 39-mınýtta elordalyq klýbty alǵa shyǵardy.
Al 65-mınýtta «Ordabasy» oıynshysy Lýıs Gedesh tarazy basyn teńestirse, 98-mınýtta Serj Nıýadzı shymkenttik klýbqa jeńis syılady.
Osylaısha «Ordabasy» qarsylasynan 3:2 esebimen fınalǵa joldama aldy. Olar endi 12 qarashada Oraldyń «Aqjaıyǵymen» kýbokty sarapqa salady.
Eske salsaq, oraldyq klýb búgin óz aalńynda «Taraz» komandasyn 5:3 esebimen jeńdi.
«Ordabasy» 2011 jyly Qazaqstan kýbogyna ıe bolsa, 2007 jyly fınalda Qostanaıdyń «Tobylyna» ese jiberip qoıdy.
Foto: fcordabasy.kz
