«Ordabasy» Qazaqstannyń fýtbol federatsııasynan keshirim surady
ShYMKENT. QazAqparat - «Ordabasy» FK óziniń jankúıeri úshin Qazaqstan fýtbol federatsııasynyń aldynda resmı túrde keshirim surady, dep habarlaıdy QazAqparat «Ordabasy» FK-nyń saıtyna silteme jasap.
Fýtbol klýbynyń saıtynda klýb prezıdenti B.Baıseıitovtiń Qazaqstan fýtbol federatsııasynyń birinshi vıtse-prezıdenti - bas hatshysy Azamat Aıthojınge úndeýi jarııalandy.
«Qurmetti Azamat Serikuly, «Orbadasy» kásibı fýtbol klýby» Aktsıonerlik qoǵamy sizden «Qaırat» FK-men ótken match qorytyndysy boıynsha QFF (TBK) Tártiptik-baqylaý komıteti salǵan aıyppuldyń sebebin durys túsinbeı, emotsııaǵa berilgen klýb jankúıeri Muqash Erjannyń 2018 jyly 1 maýsymda áleýmettik jelilerde jarııalaǵan beıneúndeýiniń mátini úshin keshirim suraıdy. Klýb komıtet uıǵarymymen tolyq kelisedi jáne jankúıerleriniń tártibi úshin salynǵan sáıkes aıyppuldardy ýaqtyly tóleýge ázir. Klýb joǵaryda atalǵan Muqash Erjan esimdi jankúıer ýlýbtyń qyzmetkeri emes ekendigin jáne úndeýdiń mátinin óz atynan joldaǵanyn jetkizedi. Atalmysh jankúıeriń pikiri men oıynyń klýbtyń pozıtsııasyna esh qatysy joq. Sonymen qatar, klýb jankúıerlerdiń mundaı áreketteri men jónsiz syndy esh qoldamaıdy. Aldaǵy ýaqytta Klýb jankúıerleriniń tártibin baqylap, osy ispettes jaǵdaılardyń aldyn alýǵa tyrysatyn bolady», - delingen klýb prezıdenti B.Baıseıitovtiń úndeýinde.
