«Ordabasy» fýtbol komandasynyń bas bapkeri aýysty
ShYMKENT. QazAqparat - Shymkenttiń «Ordabasy» komandasy Túrkııadaǵy oqý-jattyǵý jıynyn bastady. Búgin resmı túrde komandanyń bas bapkeri fýtbolshylarǵa tanystyryldy, dep habarlaıdy QazAqparat tilshisi.
Komandanyń baspasóz qyzmetiniń habarlaýynsha, bas bapkerlikke Bolgarııa azamaty Georgı Dermendjıev keldi. 63 jastaǵy bul bapker buǵan deıin «Lýdogorets» komandasyn baptap, Bolgarııanyń úsh dúrkin chempıony atanǵan. Sonymen qatar komandasyn ÝEFA chempıondar lıgasynyń toptyq kezeńine 2 ret alyp shyqqan. «Lýdogorets» sapynda bolgarııalyq fýtbolshylarmen qatar brazılııalyq legıonerlerdi jeńiske jetelegeni belgili. Óte tájirıbeli maman jattyǵý bastalmaı turyp fýtbolshylarmen tanysyp, jınalys ótkizdi.
«Eń bastysy, jattyǵýda shyn nıetpen eńbek etip, ter tógip, tártip saqtasańyzdar. Shyńdalyńyzdar. Bapkerlerdiń talabyn oryndasańyzdar chempıonat pen Eýropa lıgasynda bıik maqsat qoıyp, belesterdi baǵyndyramyz», - dedi Georgı Dermendjıev.
Aıta keteıik, ótken jyly óz jankúıerlerine qola medal syılaǵan «Ordabasy» komandasynyń oıynshylary tórt aılap eńbek aqylaryn ala almaı, basqa klýbtarǵa ketip qalǵan bolatyn. Endi premerlıganyń barlyq komandasy jattyǵýlaryn bastaǵanmen «Ordabasy» endi ǵana komanda bolyp jınalyp jattyǵýǵa den qoıdy. Aldaǵy kezde komandada fýtbolshylardan kimder ketip, kimder qalatyny oqý-jattyǵý jıynynda belgili bolmaq.
