«Ordabasy» fýtbol klýbynyń jańa prezıdenti saılandy

NUR-SULTAN. QazAqparat – Baýyrjan Ábdýbaıtov «Ordabasy» fýtbol klýbynyń jańa prezıdenti atandy, dep habarlaıdy QazAqparat.

«Búgin «Ordabasy» FK dırektorlar keńesiniń sheshimi boıynsha Ábdýbaıtov Baýyrjan Toıshybekuly Klýb Prezıdenti laýazymyn ıelendi. Baýyrjan Ábdýbaıtov 1959 jyly 27 qarashada dúnıege kelgen. Qazaqstan Fýtbol Federatsııasy atqarýshy komıtetiniń múshesi,

Qazaqstan Fýtbol Federatsııasynyń áıelder fýtboly komıtetiniń tóraǵasy. 2002 jyldan beri «BIІK» kompanııasynyń («BIІK» fýtbol ortalyǵy jáne «BIІK-Shymkent» ÁFK) prezıdenti bolyp sanalady», - dep jazylǵan sporttyq klýbtyń Instagram paraqshasynda.

Klýbtyń habarlaýynsha, B. Ábdibaıtov «BIІK-Shymkent» áıelder komandasynyń prezıdenti bolǵanda eýropalyq dańqty jarys – ÝEFA Chempıondar Lıgasynyń 1/8 fınalyna úsh márte shyqqan.

Aıta keteıik, «Ordabasy» - Shymkent qalasynda 1998 jyly qurylǵan qazaqstandyq kásibı fýtbol klýby. Klýb Qazaqstan Premer Lıgasynda oınaıdy jáne Qazaqstan Kýbogynyń jáne Sýperkýbogynyń jeńimpazy. Klýbtyń negizgi formasy – aq jáne syrtqy formasy kók tústerde.