«Ordabasy» fýtbol klýbynyń bıýdjettik qarajaty talan-tarajǵa salynǵan - Qarjy polıtsııasy
ASTANA. QazAqparat - Ońtústik Qazaqstan oblysy Qarjy polıtsııasy departamenti 30 naýryzda «Ordabasy» klýbynyń burynǵy dırektory Baıbutaevqa jáne azamat Bartekeevke qatysty qylmystyq is qozǵady, dep habarlaıdy departamenttiń baspasóz qyzmeti.
«Baıbutaev 2007 jyldyń sáýir men maýsym aılary, 2007 jyldyń qarashasynan 2008 jyldyń qarashasyna deıingi aralyqta Bartekeevti resmı túrde bapker, keıin komanda menedjeri retinde jumysqa alyp, esepshotqa zańsyz 1,2 mln. teńge somasynda klýb bıýdjetiniń qarajatyn aýdarǵan.
Sonymen qatar «Ordabasy» klýbynyń burynǵy prezıdenti Shkarınge qatysty qylmystyq is qozǵaldy», - delingen habarlamada.
Shkarın 2008-2009 jyldar aralyǵynda Baıtekeev klýb bapkeri qyzmetinde jumys atqarmaıtynyn bile tura, «istelgen jumysyn» tabelge tirkep otyrǵan jáne onyń shotyna 582 myń teńge kóleminde aqsha aýdarǵan.
